"Қош келдің, Жаңа жыл! "

Түркістан облысы Мақтаарал ауданы адами әлеуетті дамыту бөлімінің "Т. Бигелдинов атындағы №46 жалпы орта мектебі" коммуналдық мемлекеттік мекемесінде желтоқсан айының 29 жұлдызында "Қош келдің, Жаңа жыл! " мерекесі 7-11 сыныптар арасында өткізілді. Оқушылар өнерлерін ортаға салып би билеп, ән айтып, ойындар ойнатылып жеңімпаздарға сыйлықтар берілді, маскарадтық киім үлгілерімен шырша жанында естелік суретке түсіп, мәз-майрам күйге бөленді. 

Жаңа жыл — әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Жаңа жыл баршамызға берекелі, мерекелі жыл болсын. Жаңа 2023 жылда жаңа бақыт, жаңа табыс әкелсін! Еліміз тыныш, жұртымыз аман болсын, ауызбіршілігіміз берік болып, жарқын болашаққа деген сенім нық болсын! 

Жаңа Жыл — бірлік пен татулықтың жылы болсын! Мектеп ұжымы барша Қазақстандықтарды Жаңа жылмен құттықтайды!Аспанымыз ашық, денсаулығымыз мықты болсын!